Jeminn hvað ég er þokkalega búin á því í dag :) Enda kannski ekki skrítið. Um daginn keypti ég svona stóran prentara fyrir vinnuna til að prenta út veggspjöld, sem kom svo í síðustu viku. Ekki ódýr! Síðan á fimmtudaginn byrjaði ég að reyna að prenta út veggspjaldið mitt sem ég er að fara með á ráðstefnu í DAG! Eníveis, til að gera MJÖG langa sögu stutta, þá virkaði að sjálsögðu ekki prentarinn :) Eftir tveggja daga panik og endalaus samtöl við HP support (Hewlet Packard prentari) sem bæ ðe vei höfðu aldrei heyrt talað um vandamálið sem við vorum að berjast við, þá hafði ég samband við aðra stofnun hér á háskólasvæðinu og grét út að fá að prenta út veggspjaldið á þeirra prentara og að sjálfsögðu borga fyrir það. Reyndar þurfti ég ekki að gráta en það hljómar betur :) Síðan sendi ég líka veggspjaldið til HP svo þeir gætu reynt að prenta það út, ef það skyldi vera villa í sjálfu skjalinu. Eníveis, helgin líður með tilheyrandi svefnleysi vegna stress og pirrings og mánudagurinn rennur upp með þvílíkum hlaupum að reyna að klára allt sem ég þarf að klára því það fór svo langur tími í að berjast við prentarann. Ég hleyp upp á hina stofnunina og prenta út veggspjaldið þar, þar er ekkert vandamál. Síðan þegar ég kem til baka í vinnuna þá hafði HP hringt til baka og gefið smá tipps sem hafði næstum því virkað. Ég og tölvukallinn hér í vinnuni setjumst saman fyrir framan tölvuna og prentaran fína, höldumst í hendur og göngum í gegnum allt skref fyrir skref og krossum í þetta sem okkur var bent á á mörgum stöðum svo að það hafi örugglega verið gert. Og haldiði ekki að bévítans prentarinn virkar bara eins og honum sé borgað fyrir það! Týpískt, ég er þar af leiðandi með tvö eintök af veggspjaldinu mínu og þarf ekki að fara í megrun þar sem ég er örugglega búin að missa 5 kg út af stressi :) Þannig að nú verð ég að viðurkenna að ég er frekar löt í dag, búin að prenta út "hand-outs" og nafnspjöld og svoleiðis og allt tilbúið. Síðan flýg ég bara á eftir til Amsterdam og verð á ráðstefnu fram á föstudag og verð í afslöppun fram á laugardag :)
Annars eru stórmerkilegar fréttir af honum Eiríki. Hann er hættur með snuðið. Gerðist bara núna um helgina alveg allt í einu. Við vorum búin að taka okkur á þannig að hann var bara með snuðið á nóttunni og þegar hann sefur á daginn, en ekkert annars. Síðan bara á fimmtudagskvöldinu þá leggjum við hann inn og hann biður ekki um snuðið þannig að við athugum bara hvort hann sofni ekki bara. Og viti menn, ekkert vandamál. Gerist aftur á föstudagskvöldinu þannig að við létum hann líka ekkert fá snuðið þegar hann svaf á daginn um helgina. Og í gær þegar hann fór á leikskólann þá tók ég burt snuðið sem var þar og fóstrurnar sögðu að hann hefði ekki einu sinni minnst á snuðið þegar hann átti að fara að sofa. Þannig að nú eru öll snuð horfin (úr augsýn alla vega). Þvílíkur draumur. Enda draumabarn. Gott að losna við snuðið áður en næsta peð kemur.
Annars hafið það bara gott, set inn kannski myndir frá Amsterdam þegar ég kem til baka :)
